Deklinabide berezia du: gauez da instrumental mugagabea , eta gauean, gaueko, gauetik, gauera singularrean, -au diptongoa kontsonantea balitz bezala hartuta. [29. araua]
gauez/gauaz
Bi moldeak erabiltzen dira ‘gaueko orduetan’ adierazteko: gauez mugagabea (gauez etorri, gauez bidean galdu...) mendebaldeko euskaldunek, eta gauaz (gabaz desegokia da idatziz) singularra (gauaz kandela argitan irakurtzen, gauaz ibiltzen den, gauaz eta ezkutuan) ekialdekoek. [EH]
EUSKALTZAINDIA (1993). Euskal Gramatika Laburra: Perpaus Bakuna. Bilbo: Euskaltzaindia (466).
— “Lexikoa: gau (gautan, gautako, gautatik, gautara, gautarako)”, Jagonet galde-erantzunak.