Donostian finkatu dira eta kideko esaldiak ez dira egokiak (> Donostian kokatu dira) . Bi adiera nagusi ditu finkatuk: 1. ‘Irmo ezarri edo oinarritu’: Saulek bere erregetza finkatu zuenean. Harria haiz, esan zion, eta hire gainean finkatuko diat ene Eliza. 2. ‘Iraunkortasunez ezarri; oinarri sendo edo jakinen gainean jarri’: Eztabaida haietatik atera zen frantsesa finkatua. Altube jaunak finkatutako legeak. [EH]
Erdarazko —es: ‘afincar’ eta ‘fijar en’, eta fr: ‘s’installer’ eta ‘s’établir’— aditz eta lokuzioek eraginik egiten da askotan okerra: *Suitzan finkaturiko artista (> Suitzan bizi den artista). *Zerga berria % 4an finkatu da (> Zerga berria % 4koa da).