Herri-izen batzuek —zazpik, hain juxtu— artikulua dute bukaeran (-a): Berriatua, Busturia, Ermua, Etxebarria, Forua, Mallabia eta Mañaria. Eskualde batzuek ere bai: Busturialdea, Durangaldea, Ezkerraldea eta Mungialdea.

Izen horiei hitz arrunten mugatzailearen portaera dagokie (alegia, NON kasuan izan ezik, lekuzko kasuetan galdu egiten dute artikulua). Esaterako, Ermuko, Ermutik, Ermura, Ermu osoan, Ermu inguruan eta abar dira molde egokiak (ez *Ermuako, *Ermuatik, *Ermuara, *Ermua inguruan...) (→ izen berezi artikuludunak eta a itsatsidunak). Molde horretakoa da Bizkaia izena bera ere. (→ euskal herrialdeen izenak)