Zein da ordenamendu egokia honako esaldi hauetan: Hiru kide(ta)tik bik jaso zituzten tratu txarrak ala Hiru(ta)tik bi kidek jaso zituzten tratu txarrak?

Hiru kide(ta)tik bik egituraren parekoak dira nagusi tradizioan (bi hitzetarik bat; etsaien hirurogei ontzietatik hiruk; lau zezenetarik hirurak atzemanik; ehun artzainen artean laurogeita hamar...). Izan ere, halako egituretan, izena bi zenbatzaileei dagokie, eta badirudi errazagoa dela ulermenerako ezkerrekoarekin agertzea (hau da, lehen aipatzen den zenbatzailearekin), eta eskuinekoan uztea aipatu gabe.