NONDIK kasuak bi balio nagusi ditu, oro har:

• abiapuntua adieraztea: Etxetik etorri zen.

• ‘barrena edo zehar’ ideia adieraztea: Basotik (basoan zehar) ibili zen Robin Hood. (→ zehar postposizioa (-n zehar; -tik zehar))

Askotan, ordea, gaztelaniaren eraginez-edo, gehiegizko lerratzea gertatzen da bigarren adiera horretan, eta NONDIK kasua erabiltzen da, berez NON kasua erabili beharko litzatekeen tokian. Adierazitako -tik kasuak ‘barrena’ edo ‘zehar’ adiera ez badu (→ zehar postposizioa (-n zehar; -tik zehar)), NON kasua da egokia era honetako esaldietan:

?Menditik dabil (> mendian (menditik zehar) dabil).

?Plazatik egon gara (> plazan (plazatik zehar) egon gara).

?Kaletik ikusi dut (> kalean (kaletik zehar) ikusi dut).

?Hortik (al) dabil Patxi? (> Patxi hor (al) da(go)/dabil?).

?Utzi espediente hori hortik (> Utzi espediente hori hor nonbait / hor(tik) zehar).

*Lehen, asko etortzen zen gure dendatik (> ...dendara).