- Azkaineko Herriko Etxea eta Euskaltzaindia elkartu dira Piarres Larzabal herriko idazle eta euskaltzaina omentzeko.
- Honela, Azkaineko idazle, apez eta euskaltzain izanaren obraz, biziaz eta herriko antzerkigintzan utzi duen ondareaz arituko dira Ixabel Etxeberria ikerlaria eta Jon Casenave euskaltzain urgazlea ostiral honetan, apirilak 19 dituela. Pantxoa Etxegoin euskaltzain urgazleak egingo du aurkezle-lana herriko Biltoki gelan, 19etatik aurrera.
Irakurri gehiago: Omenaldia Piarres Larzabal idazle eta euskaltzainari Iruzkin berria idatzi
- Euskaraz argi duzu nola idatzi? Nola erabili behar diren letra larriak, lodiak, etzanak, sinboloak?
- Hori dena argitzen laguntzeko, Euskaltzaindiak ikastaroa antolatu du maiatzaren 7rako. Hain zuzen, Euskara Batuaren Ortotipografia: laburtzapenak eta sinboloak izenekoa. Alfontso Mujika euskaltzain osoak emango du, Akademiaren Gipuzkoako ordezkaritzan (Luis Villasante Ikergunea / Almortza kalea, 6).
- Izen-ematea HEMEN
- Aurtengo ikastaroak: ekainaren 18an, Bilbon; irailaren 17an, Baionan; urriaren 15ean, Gasteizen; azaroaren 12an, Iruñean. Izena emateko epeak aurrerago argitaratuko dira.
- 2021ean abiatu zen Euskara Batuaren Ortotipografia (EBO) egitasmoa eta urtarrilean plazaratu ziren lehen emaitzak.
- Euskararen Akademiak 2020an sortu zuen antzerki-ekoizpena sustatzeko laguntza, Bilboko Udalaren babesarekin, eta orain bosgarren deialdia plazaratu du.
- 2.500 euroko laguntza emango zaio hautatutako lanari (gidoia + antzezlanaren ekoizpena).
- Oinarri-arauak HEMEN
(Argazkian: La Piel konpainiaren 'Beren izenez' antzezlana, 2024ko sariduna)
- Erakusketa gaur estreinatu da UPV/EHUren Carlos Santamaria Zentroko Txillardegi aretoan (Elhuyar plaza, 22 – Donostia), eta euskal historian garrantzia izan duten euskarazko testu juridikoak erakusten dira bertan, irudi eta grafikoak baliatuz.
- Erakusketa ibiltaria Euskaltzaindiak antolatu du, Eusko Legebiltzarrarekin, Nafarroako Parlamentuarekin, Bizkaiko, Arabako eta Gipuzkoako Batzar Nagusiekin eta Euskal Herriko Unibertsitatearekin elkarlanean.
- Gure hizkuntza duela mende askotatik egon da presente euskararen lurraldeetan bizi ziren pertsonen harreman juridiko pribatuetan, baita lurralde horietako instituzioen jarduera administratiboan ere. Hori argi ikusten da erakusketa honetan.
- Azalpen-bideoa HEMEN
- Sarako Idazleen Biltzarrak 41. ahalegina egin du aurten, eta, urtero bezala, ehunka euskaltzale bildu ditu herriko polikiroldegian.
- Ohi duen legez, Euskaltzaindiak erakusmahaia jarri du Saran, eta azken argitalpenak erakusteaz gain, bi liburu aurkeztu ditu jendaurrean, hain zuzen, Junes Casenave-Harigile: zortzi pastoral berri eta Margarita, Nafarroako erregina. Aurkezpenean izan dira Ixabel Etxeberria ikertzailea, Jean-Baptiste Coyos euskaltzainburuordea eta Maider Behotegi Euskararen Erakunde Publikoko lehendakaria.
- Irudiak hemen: https://labur.eus/GKv9E
- Jean-Baptiste Coyos: "Zuberoako pastoralaren berritzailea izan zen Junes Casenave-Harigile"
- Euskaltzaindiak bi liburu aurkeztuko ditu Sarako Idazleen Biltzarrean: ‘Junes Casenave-Harigile: zortzi pastoral berri’ eta ‘Margarita, Nafarroako erregina’
- Maider Etxebarria Gasteizko alkate andreak harrera beroa egin die euskaltzainei
- Beñat Oihartzabal euskaltzaina emeritu bilakatu da