Aurelia Arkotxa omendu dute Ziburuko Azokan
- Aurelia Arkotxa euskaltzain osoa omendu dute gaur VI. Ziburuko Euskal Liburu eta Disko Azokan, baina berak Ipar Euskal Herriko euskalgintzan jarduten dutenei eskaini die saria: «Saria nik jaso dut, baina Euskal Herri osoko euskalgintza zoriondu nahi nuke, Argia, Baltsa Elkartea, Azoka hau antolatzen duzuenok... Inurriak bezala, isilean eta urtez urte lan egiten duten guztiei eskaintzen diet sari hau, miresgarria baita egiten duzuen lana».
- Iaz egin zuen bezala, Euskaltzaindiak erakusleihoa jarri du Ziburun, azken hilabeteetan argitaratu diren liburuak erakusteko. Tartean, Joseba Sarrionandiak paratutako Txomin Peillen Karrikaburu. Saiakera hautatua, Jean Baptiste Coyosen Junes Casenave-Harigile. Zortzi pastoral berri (II) eta Martin Ducqen Erroma eta Jerusalem bidaia-kontakizunaren edizio kritikoa, Jabier Kaltzakortak ondua.
- Guztira 43 argitaletxe, diskoetxe eta autoekoizle batu dira Ziburun, iaz baino lau gehiago, antolatzaileek esan duten bezala.
Idatzi iruzkina
