APAIZAK TIRAKA PIN PON

Joseba Tapia

Anonimoa

Egile ezagunik gabeko bertso hauek Bigarren Karlistaldikoak dira, hau da, 1872-1876 bitartekoak. Joseba Tapiak «Apaizak tiraka pin pon» tituluarekin jaso zituen Eta tira eta tunba diskoan, baina sorta osoa beste izen batekin argitaratu zen Karlisten bigarren gerrateko bertsoak liburuan: “Zein dira, bada, zein dira joan zaizkigunak mendira?”.

Testu-mota: Bertso jarriak

Garaia: XIX. mendea (1872-1876)

Argitalpen-urtea: 2010

Atala: Abestiak

Gako-hitzak: karlistaldiak Historia Bigarren Karlistaldia

1. *Karlistak tren bati erasoka*. Egilea: Joseph Nash (1809 – 1878).
*The Graphic* aldizkaria, Londres, 1873ko otsailak 22.

1/ Zein dira mendietan
diranak ,
relijioan alde
dabiltzanak tiroz?
Apaizak tiraka pin pon
dabiltza ti-ta tikiti pin pon.

2/ Zein dirade tenpluak
abandonatuta
soldadu joan diranak
oso harrotuta?
Apaizak…

3/ Zein dira gure ustez
txit onak ziranak,
orain gizonak hiltzen
pozez dabiltzanak?
Apaizak…

4/ Zein dira gerrarako
gizon bila aurten
ari diranak fuertzan
jendea eramaten?
Apaizak…

5/ Zein dira mingain-eder
bihotzez faltsuak,
onak nahi gaituztenak
bueltatu gaiztuak?
Apaizak…

6/ Ez dezula asmatzen,
hara nik apustu,
odola isurtzen dala
diradenak poztu?
Apaizak…

7/ Horra nik asmatu
ibili gabe estu:
bai, apaizak dirade,
justu, justu, justu.
Apaizak…

1873. urtea

Euskara batuan

2. *Las nuevas cruzadas* (‘Gurutzada berriak’). *La Flaca* aldizkari satirikoa, 1870eko iraila.

3. *Primera salida de don Quijote. En un lugar de la Mancha… (Se continuará).* (‘On Kixoteren lehen irteera. Mantxako toki batean… (Jarraituko du)’).
*La Flaca* aldizkari satirikoa, 1869ko abuztua.

Entzun YouTuben Joseba Tapiaren bertsioa (Eta tira eta tunba, Zakurraren Biolina, 2010).

IKUS HAU ERE

Bigarren Karlistaldiko irudi-bilduma Zumalakarregi Museoan.

Testua

Jatorrizko bertso-sorta osoa, hemen: ZAVALA, Antonio (1997). Karlisten bigarren gerrateko bertsoak. Oiartzun: Sendoa liburutegia. (403-404).

Irudiak

The British Newspaper Archive.
Zumalakarregi Museoa. Gipuzkoako Foru Aldundia.
Zumalakarregi Museoa. Gipuzkoako Foru Aldundia.

NOEREN ONTZIA