tentsio
1 iz. Tenkatua dagoen gorputz elastiko baten egoera. Gorputzeko muskuluak tentsioan ditu.
2 iz. elektr. Bi eroale elektrikoren edo elektrizitatez kargaturiko bi gorputzen arteko potentzial diferentzia. 200 volteko tentsioa.
3 iz. Gorputz bati eragiten dion indarra, gorputz hori luzatzea edo hedatzea eragiten duena.
4 iz. med. Arteria-presioa. Gatz gehiegi hartzeak tentsioa igo eta bihotzekoa izateko arriskua handitzen du.
5 iz. Zenbait egoerak, bereziki zain egoteak, arreta handia jarri beharrak edo egonarririk ezak, eragiten duten estuasunezko aldartea. Nola erantzuten dugu tentsio egoeren aurrean? Tentsio handia izan genuen partidan.
6 iz. Pertsonen edo pertsona-taldeen arteko etsaitasun- edo talka-giroa, harremanak haustea ekar dezakeena. Tentsio handia dago bien artean. G-20ko kideek eta beste estatu batzuek tentsio handiko goi-bilera egingo dute bihartik aurrera Londresen. Estatu bateratuaren irudia heltzen zaigu, baina barne tentsioak eta eztabaidak ugariak dira.