kargatu, karga/kargatu, kargatzen
1 da/du ad. Zamatu. Abrahamek egurraz kargatu zuen Isaak. Bi zaku sagar gurdian kargatu. Itsasontziak kargatzeko kai berria. Kardulatzez kargatua.
2 da/du ad. Zerbaitetatik ugari izan, zerbaitez erabat bete. Bekatuen zamaz kargaturik. Jesu Kristo kargatu da gure hobenez. Logalez kargatuak. Heldu naiz zure oinetara amodioz kargatua. Lorez lehenik, eta laster fruituz kargatuko den landarea.
3 da/du ad. Su armez mintzatuz, munizioz bete. Eskopeta kargatuta, atearen atzean.
4 da/du ad. Tresna edo gailu bat, ibiltzeko edo funtzionatzeko behar duenaz hornitu. Plastikozko bolaluma merkeak, tintaz berriro kargatzen ez zirenak. Metroko txartelak berriro kargatzeko hamahiru leku atondu dituzte.
5 da/du ad. Bateriez eta kidekoez mintzatuz, elektrizitatez bete. Argazki kamera digitalarentzako pilak kargatzeko gailua.
6 da/du ad. Tresna edo gailuez mintzatuz, bateria kargatu. Gero eta jende gehiagok uzten du ohearen ondoan telefonoa kargatzen. Auto elektrikoa kargatzeko guneak.
7 du ad. Edariez (bereziki kafeaz) mintzatuz, osagai nagusitik ugari jarri. Ez kargatu larregi kafesnea. Itxaso ondo kargatutako kafe bat hartzen ari da. || (Partizipio burutua izenondo gisa). Kafe kargatua.
8 da/du ad. Aireaz eta kidekoez mintzatuz, kez edo usain txarrez bete. (Batez ere partizipio burutuan erabiltzen da). Giroa oso kargatua zegoen, zigarroen kearengatik. Giro kargatua.
9 da/du ad. Gorputz-adarrez edo muskuluez mintzatuz, gehiegizko ariketaren ondorioz, nekatu. Titini entrenamenduetan belaunak kargatu zaizkio.
10 du ad. Zergapetu. Orain proposatzen den zergak jaraunspenak kargatu nahi ditu.
11 du ad. Kontu batetik kobratu. Kontsumitzailearen kontuan prezioa ezingo da kargatu honek ordainagiria jaso arte.
12 du ad. inform. Datuak, gordeta dauden lekutik (disko gogorretik, adibidez) memoria nagusira ekarri, ikusteko, editatzeko edo erreproduzitzeko. Ik. deskargatu 3. Berokia erantzi eta ordenagailua piztuko du Ikernerekin hitz egiteko asmoz; ordenagailua kargatu bitartean jertsea kenduko du. Aldameneko pantaila batean argazki digitalak kargatu edo sistema programatu egin daiteke. 13 du ad. inform. Datuak gailu batetik beste batera mugitu edo kopiatu, bereziki zerbitzari batera edo Internetera. Informazioa urrutiko zerbitzarietan kargatzeko.