Euskaltzaindiaren Hiztegia
2 emaitza itxi bilaketarentzat - [1 - 2] bistaratzen.
itxi1, itxi, ixten
1 da/du ad. Leiho, ate eta kidekoez mintzatuz, norabaiteko sarrera edo irteera eragozteko eran jarri. Ik. hetsi; zerratu1; zarratu1. Anton. ireki1. Atea itxi zion. Leihoa itxirik aurkitu zuten. Luisak leihoetako estalkiak itxi zituen.
2 da/du ad. Zerbaiten osagai higikorra mugituz edo jarriz, haren barnealderako irispidea eragotzi, edo barne eta kanpoaldearen arteko harremana galarazi. Gela itxi. Zuloa itxi. Eskutitza itxi baino lehen. Ahoa, begiak itxi. || Igarobidea langaz itxi. Sarrera itxi.
3 du ad. Denda, lantegi eta kidekoez mintzatuz, dagokion jarduera-orduak bukatu. Denda arratsaldeko bostetan ixten du. Liburutegia oso berandu ixten dute.
4 da/du ad. Zerbaiten osagai higikorrak elkarrengana hurbildu, bitarterik uzten ez dela. Liburua itxi. Eskua itxi. Aterkia itxi ezinik. Zauriak itxi zitzaizkionean.
5 du ad. Heltzeko, aurreratzeko edo harremanetan jartzeko bide bat deuseztatu, edo erabiltzea eragotzi. Gu zaharzaleak gara, baina aldizkarian ez genioke inori biderik itxi nahi. Poliziak ihesbidea itxi zion.
6 du ad. Barruti bat barrura ezin sartzeko moduan jarri. Alorra hesiz itxi. Ipini zuen mahasti bat, itxi zuen eta erdian dorre bat eraiki zuen.
7 du ad. Bezeroak hartzen dituen etxe batek, edota enpresa edo lantegi batek, behin betiko edo aldi baterako, bere zerbitzuak emateari utzi. Eskola itxi behar izan zuten. Denda sei hilabetez itxi dute eraberritze lanak egiteko. Ekainaren 12an zentrala ixteko eskatu zuen Eusko Legebiltzarrak.
8 da/du ad. Muga jarri, amaia eman. Uztailaren bukaeran itxiko da harpidea. Parentesia itxi.
9 da/du ad. Norbait leku itxi batean sartu edo gorde. Arlesko mojategian itxi zen. Aramaion, liberalek, herriko etxean itxi zuten Santa Kruz apaiza.
10 du ad. Hitzarmenez, tratuez eta kidekoez mintzatuz, adostu eta irmotzat jo. Europako hauteskundeetara elkarrekin joateko hitzarmena ixtekotan dira. Aldi baterako ituna itxi dute Jaurlaritzak eta Errioxak. Joan den asteazkenean itxi zituzten negoziazioak jabearekin.
itxi2
1 adj. Sarrera edo irteera eragotzia duena. Leku itxi batean sartu. Eskutitz itxia. Multzo itxia.
2 adj. Ideia berriei batere sentibera ez dena. Itxia eta atzerakoia da.
3 adj. Sarria, osatzen duten banako berdinen artean tarte txikia dagoena, eremu txikian banako asko dituena. Baso itxia. Bizar itxia. Laino itxia.
4 adj. Bihurguneez eta kidekoez mintzatuz, ia bira osoa egiten duena. Ibaia biragune itxi-itxi batetik irteten zen, segidan beste bat egiteko. Bideak bihurgune itxi samarra egiten zuen.
5 adj. Taldeez eta kidekoez mintzatuz, kide berririk nekez onartzen duena. Oso talde itxiak izan gara beti, eta sortu diren taldeen artean asko ez dira Euskal Herritik atera.
6 adj. Azentuaz edo ahoskeraz mintzatuz, tokiko ezaugarriak oso markatuak dituena. Galiziar azentu itxiarekin. Ezin zuela erantzun zidan frantses itxi batean.
7 adj. hizkl. Bokalez mintzatuz, ahoskatu ahal izateko aho bidea ixtea edo mehartzea eskatzen duena. Bokal itxiak /i/ eta /u/ dira.
8 iz. Leku itxia, bereziki espetxea. Itxi batean betiko sartu zuten.
Esaera zaharrak
Aho itxian ez doa sartu eulia, eta aldi guztietan ez da eder egia.Azkue Biblioteka eta Artxiboa
ORDUTEGIA
9:00 - 14:00
9:00 - 14:00
Azkue Biblioteka eta Artxiboa Euskaltzaindiaren zerbitzura dago. Horrez gainera, zabalik dago ikertzaile ororentzat, eta bere ahalbideen neurrian euskal kultura gaien ikerkuntza eta hedapena sustatzen eta laguntzen saiatzen da.
Es bueno saber que cada vez que gastas una moneda para tu placer culpable, ayudas a alguien que lo necesita. Ice Casino es conocido por sus generosas campañas benéficas en toda Europa. ¡Pero no olvides jugar responsablemente!
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
