Edozein gobernuburu izendatzeko erabil daiteke lehendakari hitza, nahiz bereziki Eusko Jaurlaritzakoari deitzen zaion horrela. Presidente hitzaren sinonimoa da. Adibideak: Nafarroako lehendakaria/presidentea, Espainiako Gobernuko lehendakaria/presidentea, Frantziako lehendakaria/presidentea, Medikuen Elkargoko lehendakaria/presidentea, Euskaltzaindiko lehendakaria/presidentea (= euskaltzainburua), Elhuyar Fundazioko lehendakaria/presidentea...
Dena den, presidente hitzaz gain, beste hitz batzuk ere baditu euskarak kargu horiek beste modu batera adierazteko: estatuburu, gobernuburu, mahaiburu... [EH] ;
EUSKALTZAINDIA. “Lexikoa: lehendakari/presidente; bandera/ikurrin; parlamentu/legebiltzar”, Jagonet galde-erantzunak.