Euskaltzaindiaren Hiztegia

LBeh (2014-04-03): kuskus 36: Consumer 7 (adib.: “Kuskusa da sukaldaritza horren platerik bereizgarriena“), Berria 7 (adib.: “Hasteko, kuskus hau ez da askoren gustuko jakia izanen”), EiTB 21 (adib.: “Baina kuskusak ez, fruitu-saguzarrak dira”), DiarioVasco (“Gaueko 21:00etan, berriz, kuskus eta paella jana izango da Laranjadin, eta bertan egon nahi dutenek jakin dagoenekoz tiketak salgai daudela (5 euro) Txoko eta Alkorta tabernetan, irailak 30 bitartean”). kus-kus 11: Consumer 7 (adib.: “Kus-kusa berez gari semola delarik, kultura musulmaneko jaki tipiko bat bataiatzeko erabili da”), Berria 2 (adib.: “Esate baterako, Hego Amerikan frijoleak arrozarekin jaten dira batez ere, Magrebeko herrialdean kus-kusa, Ekialdeko Europan arto txikia eta arroza, eta Saharatik beherako Afrikan, kebaba da nagusiki jaten den elikagaia”), EiTB (“Bide batez, jatetxeko lanetan lagunduko lioke kus-kusa ezinhobeto prestatzen duen sukaldaria baita”), Argia (“Ez dakit nola deitu behar dugun belar hau, frantsesez bereganatu duten hinduen kus-kusa ala gazteleraz jaso duten tamilen vetivera”); couscous 1, Argia (“Integrazioa zer da, tabernan sartu eta bachata dantzatzea eta couscousa jatea?“); cous-cous 1, DiarioVasco (“Bazkaritarako menua, cous-cousa berdurekin“).

Beste (edozein) iturritako erabilerak

EPG: kuskus 15: Itxaro Borda 6 (adib.: “Adibidez atzo adiskideak, bere sukaldean kuskusa jaten ari ginela kontatu zidana neukan zirurikan, goiti eta beheiti, ikuz baina zuri ez daitekeen bele baten antzera”), Jon Muñoz 3 (adib.: “Kuskusa suediarrek edo... irlandarrek! asmatua dela esan izan bazenit bezala da, hara.”), Patxi Zubizarreta (“Hango kuskus usainak gosea piztu dio, hango doinuen oihartzunak alaitu, hango argitasun epelak bozkarioa sentiarazi”), Xabier Montoia (“Eskukadaka jaten dute kuskusa zurezko ontzitik harturik”), Lopez de Arana (“Egunkariek diotenez, gisa horretara ibiltzen dituk, inguruankuskusean, sua ikusteko”), Joxan Elosegi (“Hantxe, arrainerako eta kuskuserako kazolen artean, konfitura egiteko kobrezko pazien, zartaginen, pilaturiko eltzeen, hamaika kontserba poteren, marmelada ontzi hutsen ondoan”), Bego Montorio (“zer duzu, jauna, esan zuen, zer edo zer txarra ikusi duzula ematen du, baina hark ez zuen ez erantzun ez irribarrerik egin, begira segitu zuen, zintzur-sagarra gora eta behera, mastekatu gabeko kuskusa irentsi izan balu bezala”), Pablo Sastre (“Zelan emakumeek gaur ura zela eta sekulako liskarrak, bihar berriz, batak besteari gaileta datilekin, kuskus platerkadak eskaintzen zizkioten”); kus-kus 4: Berria (“Erakusketaz gain, henna tatuaiak egiteko tailerra, tea eta kus-kusa egiteko gunea, saharar ipuin kontalaria eta bisita gidatuak izango ditu aukeran bisitariak”), Iñaki Arranz (“Kus-kus?”), Edorta Agirre (“kus-kusa, tabulea, tofua, moussaka, risotto eta arroz minak, taloen antzeko takoak, haragi gazi-gozoak, kebaba, fruta eta barazki exotikoen erabilera...“), Monika Etxebarria (“Kus-kusaren zaporea berraurkitzen nuen, Burgosko karrikak eguerdian betetzen dituen olio usaina, Tetuangoetan airean dabilen mihilu urrina, artzain greziarren txistuak, hunkiturik nengoen”); couscous 1, Itxaro Borda (“Edmeak ardi-gasna zatiak oparitzen zizkion Fadilari, honek bideko eskaintzen zion couscous puskaren trukean”); ez dugu cous-cous formarik aurkitu.

Zerrenda osagarriak

BerriaEL2013: kuskus (couscous*). Jaki mota.

Erdara/euskara hiztegietako datuak

es cuscús / fr couscous: Elhuyar: kuskus / Nolaerran: - / Zehazki: kuskus / Labayru: kus-kus / Adorez5000: kus-kus.

Nazioarteko forma da, beste gabe onartzekoa

Nazioarteko forma da eta beste gabe onartzekoa, grafia egokituz.