hesi
1 iz. Lur eremu bat ixten edo babesten duen, edo norabaiteko igarobidea galarazten duen eragozgarria, berez landarez, laharrez edo oholez egina. Hesia(k) egin, ipini. Hesia(k) hautsi, urratu, erori, kendu. Bi alorrak bereizten dituen hesian. Hesiz inguratu. Ihizko hesia. Horma luzeak hesi dituelarik. || Ahateak hesipetik ateratzen.
2 iz. Gauza abstraktuez mintzatuz, oztopoa, muga. Nolabaiteko hesiak jarri beharko dizkiogu gure hiztegiari. Itsasoaren hesi handia. Mintzairaren hesia! Gorrotozko hesi bat jarri dute euren artean. Bihotzeko gurari gaiztoei hesia ipintzeko.
3 iz. Gurdiari, garraiatzen duena eror ez dadin, alboetara ezartzen zaizkion oholak. Ik. kartola 2. 4 iz. kirol. Zenbait lasterketatan, zaldiek edo lasterkariek gainetik igaro behar duten hesi modukoa. Zilarrezko domina lortu du 80 metroko hesi lasterketan.
5 iz. kirol. Hainbat talde kiroletan, jaurtiketa libreetan, baloiari oztopo egiteko, jokalariek beren atearen aurrean eratzen duten ilara. Sousaren jaurtiketak hesia jo zuen.