Euskaltzaindiaren Hiztegia

Aztergaia: elkarbizitza

Iturria:

Formari buruzko datuak

Erabilerak

Bestelakoak

Informazio osagarria

Formari buruzko oharrak

Euskaltzainen oharrak

 - [E123]: "Badakit osaerari dagokionez egokiagoa dela proposatzen dena, baina elkarbizitza-k ere bidea egin du, bai literaturan eta bai komunikabideetan. Egia esan ez dakit nola jokatu; beste modu batera esanda, garaiz ote gabiltzan elkarbizitza-ri atea ixteko".

 - [E208]: "Elkarbizitza: bere horretan utzi behar da, convivencia, vida en comun eta vida comunitaria kontzeptua ez baitira sinonimoak".

 - [E116]: "lehen itzulian ere asko eztabaidatu genuen hau, eta irtenbide egokia aurkitu genuelakoan geunden (hala nengoen ni behintzat). Aski harrera ona izan du orduko proposamenak, uste dudanez; hau da, lehenago elkarbizitza erabiltzen zuen jende askok ikasi eta erabiltzen duela gaur bizikidetza. Aitortu behar dut, hala ere, nire ustea dela hau, eta nekez froga dezakedala, nahiz eta adierazgarria iruditzen zaidan gaurko prosan ikusi dudana: elkar-bizitza moduko 172 daude, batetik, eta, bestetik, bizikide(tza) moduko 193 (adierazgarria iruditzen zait datua, berriagoa izanik ugaritu baita bigarrena, bide luzeagoa egina zuen lehenengoaren kaltetan). Eta MAk bezala, nik ere ez dakit "garaiz ote gabiltzan elkarbizitza-ri atea ixteko", baina ireki ere nioke egingo, idazleek nondik jotzen duten ikusi arte, ez irekitzeak ez baitu nahitaez ixtea esan nahi. XK-k dioena ere egia da, baina ez da egia osoa: gauza eta kontzeptu desberdinak dira aipatzen dituenak, baina askoz gehiago dira aipatzen ez dituen kontzeptu desberdinak, eta askoz gehiago horiei dagozkien adierazleak (elkarte-bizitza edo elkarrekin bizitze datozkit burura, neke handirik hartu gabe); hau da: bestela eta hainbat modutan konpontzekoak dira edo izan litezke erdarazko en com(m)un edo comunitario / communautaire formen ordainak eta parekoak".

 - [E116]: "Proposamena: kendu lerro osoa".

 - Erabakia: Erabakia (2007-04-19/20): "elkarbizitza".