diru
1 iz. Salgai trukean edo salgaien balioa gauzatzeko, berariaz erabiltzen den gauzakia, bereziki metalezko pieza edo papera. (Multzokaria). Diru gutxi, asko, ugari izan. Bi euro, gaur egun, diru gutxi da. Dirua eta ondasunak. Dirurik eza. Dirua xahutu, eralgi, ebatsi. Dirua gorde, aurreratu, aurreztu. Dirua eman, eskatu. Haren beraren dirutik pagatu dut. Dirua itzuli. Diruagatik egiten diren ezkontzak. Bide txarreko diru honek ez zion bakerik ematen. Abenduaren 16an gaixotasun hori ikertzen laguntzeko dirua lortzen saiatuko gara. Dirua lapurtu dizudala leporatu didazu. Ultzaman dirua ordaindu behar da onddoak eta perretxikoak biltzeko. Hegaldi baten atzerapenak diruzko ordainik jasotzeko eskubidea ematen al du? Eurogunearen arazoa da diru politikak talka egiten duela gobernuen politikekin. Diru premia zuen. Jesus!, hori da diru piloa! Diru mordoxka bildu dute. Diru puska bat jokatu dinat. Diru apur baten truke. Ez dela diru falta gure lehen arazoa. Enpresak diru arazoak omen ditu. Bere diru nahi zorigaiztokoarekin (...).
2 iz. (Pluralean). Adiskide eta diruak uzteak ekarri zizkion adiskide eta diru berriak. Bere diruak kontatzen. Han zituen ebatsitako diruak.
3 iz. Txanpona. Zilarrezko diru bat. Diru bat edo eraztun bat galtzen duzunean. Diru batzuengatik zerua saltzea. Urregorrizko hiru diru. Hogeita hamar diru zilarrezko eskaini zizkioten. Diru baten bi alderdiak.
4 iz. Salgaien prezioa adierazteko erabiltzen den unitatea, salerosketa eta trukerako erabiltzen dena. Denarioa erromatarren diru bat zen. Talentua balio handiko diru bat zen. Europako diru batasuna.