bitartean
1 adb. Adierazten den egitea gertatzen den denbora berean edo hura burutu artean. Ik. bizkitartean; bien bitartean. Andres egur bila joan zen; bitartean anaiak bazkaria prestatu zuen. Ia urte eta erdi igaro da bitartean. 2 (Partizipio burutuaren, -(e)n menderagailua hartu duen aditz jokatuaren edo izen baten eskuinean). Haiek etortzen diren bitartean, gela txukunduko dugu. Zerbait irabazten duten bitartean, zerbait ere galduko dutela. Zuekin nagoen bitartean. Hitz egin bitartean itsumustuan zihoazen eliza alderantz. Garbitu bitartean txistuka ari da alaikiro. Meza bitartean jokorik egin ez dezatela ardandegian.
3 Arte. (Partizipio burutuaren, -(e)n menderagailua hartu duen aditz jokatuaren, izen baten edo postposizio sintagma baten eskuinean). Haiek etorri bitartean. Egipton egon ziren, Jesus zazpi urteetara iritsi bitartean. Handik joateko garaia iritsi zen bitartean. Ama Birjina Abuztukotik Eguberri bitartean. Apirilaren erdi aldetik azkenera bitartean.
4 Tartean; artean. (Denborari ez dagokiola). Bergaratik Osintxura bitartean, hantxe zegoen Etxeguren baserria. Kaitik ontzirainoko bitartean. Desberdintasun handia zegoen artzain horren eta bere semearen bitartean.