Euskaltzaindiaren Hiztegia

Aztergaia: arnasgarri

Iturria:

Formari buruzko oharrak

Iritzi-emaileak

 - [K201]: "beharrezkoa "respirable" adierazteko" (2001-11-02)

Euskaltzainen oharrak

 - [E210]: 'Arnas daitekeenari hala deritzo, besteak beste, Mujikaren hiztegi zaharrak eta 3000 hiztegiak jasotzen duten bezala, eta Orotariko Euskal Hiztegiak badakartza horren inguruko lekukotasunak: —(Ilargiak) asnasagarririk diñoe ez daukala / ezta lora bat bere bere mendietan (Arrese Beitia, Felipe, Ama euskeriaren liburu kantaria, 392). —Gure bertsolariarentzat aidea bezain asnasagarri biurtu zen ardandegiko lagunartea (Etxaide, Yon, Joanak-joan…, 269). —Arratsalde ederra gaurko au. Ortzea garbi goialdean, itzalak igikor lurrean, arnasgarri aize-bala frexkoak, eta landare usaia… osasuntsu (Txillardegi, Leturiaren egunkari ezkutua, 22)'.

 - [E126]: 'adibide bakar batzuk badira, egia esateko, nahiz ez gehiegi. Hala ere, ez dut uste kalte egiten duen. Nire proposamena da sarrera hau sartzea'.

 - [E113]: 'Hitz berria litzatekeenaz geroz, arnasgarri onartzeko lehenik arnastu aditza sartu behar litzateke (eta aditz iragankor gisa). Eta horrela eginik ere, ene ustez, dudan ematekoa da eratorpenaren jatortasuna (jangarri eta edangarri formak ere ez ziren sartu). Beraz, ez zait iruditzen besterik gabe sartzekoa dela hitz hori'.

 - Erabakia: (2003-07, 2003-09, 2003-10): 'arnasgarri'.