Euskaltzaindiaren Hiztegiko [EH:buru 13] sarreran ikus daitekeenez, neure burua molde indartua da erabiltzekoa (eta, ondorioz, heure, bere, geure…), eta ez nire burua

Euskaraz, egitura bihurkari nagusia X-en burua da, eta horrelakoetan:

1. Derrigorrezkoa da nik neure burua, zuk zeure burua, hark bere burua, guk geure burua(k) eta abar erabiltzea.
2. Subjektu plurala duenean, singularrean ere erabil daiteke burua (ikus hiztegiko adibideak): Geure buruaren jabe gara. Geure buruen kaltean egin dugu hori.
3. Pluraleko hirugarren pertsonan, bere, beren edo euren erabil daitezke. Hala ere, egokiena litzateke singularrerako bere eta pluralerako beren edo euren bereiztea.

Horrez gainera, ikus hau ere: "“Noren” adieraztea: bere, beren (bere gurasoekin / beren gurasoekin)" (JAGONET).