Batetik, Euskaltzaindiak esana dauka h letraz eta palatalizazioaz hartutako erabakiak ez direla erabili behar onomastikan (horregatik Arrigorriaga eta ez Harrigorriaga, edo Iruñea eta ez Iruinea, adibidez). Bestetik, zuen herriko kaleko pasabideari buruzko kontuan, Euskaltzaindiak berak 2000. urtean argitara emandako Toponimia txikia arautzeko irizpideak liburuaren arabera, Arriarte pasabidea idatzi beharko litzateke.

Osagarri gerta litekeelako, kontuan hartzekoa litzateke, orobat, Euskaltzaindiak 2019. urtean argitara emandako Kale eta karriken izenak hautatzeko eta idazteko irizpideak izeneko liburua ere. Jarraibide egokiak daude bertan. https://www.euskaltzaindia.eus/dok/iker_jagon_tegiak/82190.pdf.