Eguneratu egin da 'Euskara Batuaren Eskuliburua' (EBE)
- 196. arau berria dela eta ('EBO (I). Laburtzapenak: laburdurak eta siglak (Idazkera eta morfologia)'), Euskara Batuaren Eskuliburua (EBE) berrikusi eta egokitu egin behar izan da atal batzuetan.
- Egokitzapen horiek bi fitxa hauetan islatu dira batez ere: laburdurak (985. fitxa) eta siglak (1273. fitxa). Eta beste hauetan ere findu behar izan dira kontu batzuk: izen berezi batzuen deklinabide-arazoak (872. fitxa), -r letraren hitz-bukaerak sortzen dituen zalantzak (1243. fitxa) eta tituluak eta kidekoak (1309. fitxa).
Iruzkin berria idatzi
Iruñean eta Zangozan aurkeztu da 'Margarita, Nafarroako erregina' liburua
- Aste honetan, Nafarroako liburutegian (Iruñea) eta Zangozako Karmengo entzungelan aurkeztu da Margarita, Nafarroako erregina (1492-1549). Antzezlanak eta gutunak ikerlana.
- Ixabel Etxeberriak paratu du argitalpena, Euskaltzaindiak iaz plazaratu zuena. Aurkezpenetan bidelagun izan ditu Sagrario Aleman Euskaltzaindiaren Jagon sailburu eta Nafarroako ordezkaria eta Heptameron taldea (Nafarroako Ganbera Abesbatzaren emakumezkoen korua).
- Ixabel Etxeberriari elkarrizketa, HEMEN
2024ko LAUTAN HIRU antzerki-jaialdia (laburpen-bideoa)
- LAUTAN HIRUren VI. edizioa otsailaren 8an, 15ean, 22an eta 29an izan da, eta jaialdiak 'antzerkiaren gorputzari' erreparatu dio aurten. Guztira 8 ekitaldi eskaini dira: bost antzezpen, bakarrizketa bat, tailer performatibo eta parte-hartzaile bat, eta bi irakurraldi dramatizatu (azken biak ekitaldi berean). Gainera, hauetako hiru estreinaldiak izan dira.
- Bilboko Udalak babesten du jaialdia, eta, urtero legez, Euskaltzaindiak elkarlanean antolatu du egitaraua, hain zuzen, Cafe Bar Bilbao, BIRA Kulturgunea eta 7Katurekin batera. Bestetik, sei izan dira lanak erakusteko hautatu diren espazioak: BIRA, Cafe Bar Bilbao, Euskaltzaindia, 7Katu gaztetxea, Kalderapeko (AEK) eta La Sinsorga.
- Guztira 350 bat zale hartu ditu aurtengo edizioak.
- Piarres Lafitteren artxiboa webgunean paratu du Euskaltzaindiak
- 'Arikala' topaketa Altsasun (laburpen-bideoa)
- Euskaltzaindiak Mintzolaren 2024ko ikerketa-sarien deialdiak egin ditu
- Ikasleen artean lagunarteko euskara sustatzeko arikalatarren lehen topaketa egin da Altsasun, Mondragon Unibertsitateak, Euskaltzaindiak eta Ikastolen Elkarteak antolatuta