• Bilboko 48. Liburu Azokaren Urrezko Luma saria jaso du idazle eta euskaltzain emerituak.
  • Ekitaldian, Joxe Mari Sors-ek azpimarratu du "euskara bere bizitzaren erdigunean" jarri duela beti bizkaitarrak.

    IMG 20180604 132208
    (Joxe Mari Sorsek esan du Torrealdai "pertsona independentea" dela, beste gauza askoren artean)

Gaur, Bilboko 48. Liburu Azokaren Urrezko Idaz Luma saria jaso du Joan Mari Torrealdaik. Andoni Iturbe Bizkaiko Foru Aldundiko Kultura zuzendariaren eta Asier Muniategi Azokako arduradunaren eskutik jaso du golardoa.

Ekitaldi berean, Joxe Mari Sors Elkar-eko gerenteak Torrealdairen ibilbidea aletu du, eta 'lider isila' dela azpimarratu du. "Eskertu izan dugu beti berak eskaintzen duen ilusioa, jakituria eta segurtasuna", esan du Sorsek, eta bestelako dohainak ere nabarmendu ditu jendaurrean: "Badaki helburuak ondo zehazten, besteen ekarpenak aintzat hartzen ditu, besteekin partekatzen du dakiena, beti egon da elkarlanerako prest...". Euskal kulturaren langile porrokatua bai, baina "pertsona xumea eta bideak errazten dakiena" ere badela esan du Sorsek, eta, gauza guztien gainetik, "pertsona independentea".

Ilusio handia egin dio Torrealdairi sari berriak, lumak sinbolizatzen duelako bere urteetako lana, bere jardun intelektuala. "Luma honetan irudikatzen dut euskarari egin zaizkion irain, zigor eta injustizien kontra erabili dudan espiritu kritiko salatzailea. Euskal Herriari jartzen zaizkion traba, zentsura eta politika beltzak aztertu eta agerian jarri nahi izan ditut", esan du gaurko agerpenean. Bere azken lanak ('Asedio al euskera' - Txertoa) ere ildo berbera jarraitzen du.

"Nire lumarekin -gaineratu du- saiatu naiz erakusten Euskal Herria, bere txikian, errealitate oso bat dela, unibertso bat, eta euskal kultura aberatsa dela, anitza eta askotarikoa",

Adierazpen askatasunaren defendatzaile sutsua izanik, errealitateari eman dio hitza Torrealdaik, hots, informazio objektiboari eta datuari, sarritan iritzi kontrajarriei ere lekua eginez.

Joan Mari Torrealdai (Forua, 1942), Teologian eta Informazio Zientzietan lizentziaduna. Zientzia Politiko eta Soziologian doktorea. Jakin Fundazioaren burua. Euskaltzain urgazle izendatua 1975eko ekainaren 27an eta oso 2007ko azaroaren 30ean. “Bibliografiatik bibliotekara, esperantzari lehioa” izeneko sarrera hitzaldia irakurri zuen Foruan 2009ko urriaren 31n.


Idatzi iruzkina

Security code
Refresh

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi