Bernardo Atxaga idazle eta euskaltzain osoak irabazi du Espainiako Kritikaren Saria, euskarazko narratibaren alorrean, Nevadako egunak liburuagatik. Idazleak 2013ko abenduan kaleratu zuen liburu hau, Pamiela argitaletxearen eskutik.
Bestalde, Joxean Artzek ere Espainiako Kritikaren Saria jaso du, poesiaren arloan, Heriotzaren ataria dugu bizitza eta Bizitzaren atea dukegu heriotza bildumengatik, Elkar argitaletxeak argitaratuak.
Sari hauek Espainiako Literatur Kritikarien Elkarteak ematen ditu urtero. Aurtengo irabazleen izenak apirilaren 25ean jakinarazi zituzten.
Comments