Orotariko Euskal Hiztegia

Argibideak

Orotariko Euskal Hiztegiak euskararen aro eta euskalki guztietako lexikoa jaso eta antolatzea du xede. 1987an argitaratu zen paperean lehen liburukia eta 2005ean 16.a eta azkena. Euskaltzaindiak hemen eskaintzen duena hiztegiaren oinarrizko bertsio elektronikoaren bosgarren argitaraldia da eta Creative Commons lizentziapean banatzen da.

Bertsio hau, argitalpen elektronikoaren beste urrats bat izatea nahi luke Euskaltzaindiak eta, gerora, hiztegiaren egituratze-maila osatuagoa lortzea helburu izango duen proiektuaren abiapuntua.

Bertsio elektronikoa

Paperezko edizioaren prestaketan erabili ziren RTF formatudun datutegiak oinarri hartuta, Internet bidezko zabalkunderako bi bertsio prestatu dira: bata, PDF formatuan, testu jarraitu moduan ordenagailura jaits daitekeena; eta bestea, HTML formatuan, sarrera nagusiak bilatzeko aukera eskaintzen duena. Azken hau, Internet bidez erabiltzen da.

Testu libreko bilaketak

Testu libreko bilaketak egitea ahalbidetzen duen sistema ere prestatu da, Adobe Acrobat Reader irakurgailuarentzat eskaintzen den indexatze-tresnaren bidez. Bilaketa-modu hau erabiltzeko, Hiztegiaren (A-Z) PDF fitxategi guztiak eta indizeak gordetzen dituen Bilaketak.zip (318 MB) artxiboa ere jaitsi beharko du erabiltzaileak. Artxibo horretan konprimatuta doan Bilaketak.pdx fitxategiaren bidez, hiztegi barruko testuetan ere (adierak, adibideak, etab.) bilaketak egitea posible da.

oeh_argibideak

Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.