Miren Azkarate

Silla 23

Aurreko euskaltzaina: Jose Migel Barandiaran

 

Euskaltzain osoa

Donostian (Gipuzkoa) jaio zen, 1955eko azaroaren 27an.

Euskal Filologian doktorea. Euskal Herriko Unibertsitateko irakaslea. Erretiroa hartuta Euskal Herriko Unibertsitateko irakasle izatetik.

Euskaltzain urgazle izendatua 1983ko martxoaren 25ean eta oso 1992ko apirilaren 24an.

Sarrera-hitzaldia Jose Migel Barandiaranen bizitza eta lanaz irakurri zuen Donostian 1992ko azaroaren 27an.

Ikusi sarrera-hitzaldia

Filosofia eta Letren ikasketak Deustuko Unibertsitatean egin zituen eta 1977an Filologia Erromanikoan lizentziatu zen. Unibertsitate berean Patxi Altunak zuzendutako lizentzia txostena irakurri zuen 1979an, eta hurrengo bi urteetan sintaxia eta semantika landu zituen AEBeko Illinois-eko Unibertsitatean.

1988an Koldo Mitxelenak eta Ibon Sarasolak zuzenduta, doktorego tesia irakurri zuen euskarazko hitz elkartuez Euskal Herriko Unibertsitatean. Bilbo Aurrezki Kutxak ikerketa saria eman zion urte berean doktore tesiagatik.

Deustuko Unibertsitatean Euskal Filologiako irakasle izan zen 1978-1988 bitartean, Donostiako campusean (EUTG). Geroztik Euskal Herriko Unibertsitateko Euskal Filologiako irakasle eta, gaur egun, katedraduna da.

Pello Salaburu euskaltzainak zuzentzen duen EHUko Euskara Institutuaren idazkari izan da 1996tik eta gaur egun zuzendaria da (2019-). 1996an sortutako erakunde horrek hainbat gramatika, corpus eta hiztegi argitaratu ditu interneten. Halaber, EHUko Gogo Elebiduna ikerketa taldeko kide da.

Euskal Herriko Unibertsitatearen administrazioan hainbat kargu bete ditu: dekanoorde (1992-1995), Euskara batzordekide (1993-1997), Euskaltzaindiarekiko batzordekide (1989-2000), Euskara errektoreorde (1996-1997), uda ikastaroetako kontseilukide (1996-1997) eta irakasleen errektoreorde (1997-1999).

Euskal morfologian eta lexikologian berezitua dago, eta lan eta ikerketa asko argitaratu ditu gai horien inguruan. UZEIren hiztegigintzan parte hartu zuen. Euralex europar elkarte lexikografikoaren kide da 1988tik.

Euskaltzain osoaren kategoria erdietsi duen lehen emakumea izan zen 1992an. Euskaltzaindian Jagon sailburu (1995-2000) gisa izandako ardurez gain, bereziki gramatikan (EGLU bilduma, 1985-2011) eta 1986tik hiztegigintzan (LEF, Hiztegi Batua, Euskaltzaindiaren hiztegia) garatu du bere lana.

Eusko Jaurlaritzaren Euskararen Aholku Batzordeko kide izan zen 1997-1999 eta 2001-2009 artean. Eusko Jaurlaritzan, orobat, ardura handiko karguak izan ditu Eusko Legebiltzarraren VII. eta VIII. legegintzaldietan: Kultura sailburu (2001-2009) eta eleduna (2004-2009) izan da. 2011-2018 bitartean Donostiako Udaleko zinegotzi izan da Euzko Alderdi Jeltzalearen taldean.

Hainbat ikastaro eta hitzaldi eman ditu lexikologiaz, doktore tesien zuzendaritzan eta dirulaguntza ofizialeko ikerketa egitasmotan parte hartu du. Euskaltzaindiaren Euskera (2009) agerkariko aholku batzordeko kide izateaz gain, beste hainbat aldizkari eta egunkaritan idatzi ditu artikuluak: ASJU, Mundaiz, Rivista di Grammatica Generativa, Bat Soziolinguistika Aldizkaria, Tantak, Berria, Gara, Deia, Erlea, eta abar.

Sariez den bezainbatean, Bilbo Aurrezki Kutxak Resurreccion Maria Azkue Saria eman zion 1988an, eta Donostiako Udalaren herritar merezimenduaren domina jaso zuen 1993an.

 

Ikerketak

1987 Hitz konposatuak euskaraz doktore-tesia [formatu digitalean argitaratua, 2010] PDF

1990 Hitz elkartuak euskaraz (EUTG-Mundaiz)

1991 Hitz-elkarketa. 3 : LEF Batzordearen lanak [mold.] (Euskaltzaindia) PDF

2000 Configuración morfológica y estructura argumental : léxico y diccionario : resultados del proyecto de investigación DGICYT, PB93-0546-C04 [elkarlanean] (Euskal Herriko Unibertsitatea)

2001 Euskal morfologiaren historia [elkarlanean] (Elkarlanean)

2004 Las fronteras de la composición en lenguas románicas y en vasco [elkarlanean] (Deustuko Unibertsitatea)

2014 Hitz elkarketa 2 : LEF batzordearen emaitza [elkarlanean] (Euskaltzaindia) Webgunea - PDF - ePub

2014 Birformulazioa eta birformulatzaileak euskaraz [elkarlanean] (Euskal Herriko Unibertsitatea)

Hiztegiak

2013 Elhuyar oinarrizko hiztegia : euskara-gaztelania, castellano-vasco 3. argit. [zuz. elkarlanean] (Elhuyar)

2013 Elhuyar hiztegi txikia : euskara-gaztelania, castellano-vasco 4. argit. [zuz. elkarlanean] (Elhuyar)

2013 Elhuyar Hiztegia : euskara-gaztelania, castellano-vasco 4. argit. [zuz. elkarlanean] (Elhuyar)

2019 UPV/EHUko Zuzenbide Fakultatearen Hiztegi Juridikoa [koord. elkarlanean] (Euskal Herriko Unibertsitatea)

 

Euskera agerkarian

1980 -N, -Z erlazio hizkiak denborazko aditz lagunetan Axular eta Etxeberri Sarakoarengan PDF

1982 Zehar galderak : "ba-" denborazko perpaus txertatuen adibide kurioso zenbait PDF

1986 Euskal konposizioaren inguruan PDF

1991 Euskara batuko lexikoaren plangintzaz zenbait gogoeta PDF

1992 Miren Azkarate Villar anderearen Euskaltzaindian sartzea [sarrera hitzaldia] PDF

1995 Miren Azkarate euskaltzainaren erantzuna [Patxi Goenaga euskaltzainaren sarrera ekitaldian] PDF

1996 Euskaltzaindiaren araugintza (II) PDF

1999 Euskaltzaindiaren araugintza (IV) PDF

2001 Komunikabideen lantaldea : proposamena PDF

2001 Eguneroko hitzen lantaldea : proposamena PDF

2005 Hura zen Don Manuel PDF

2006 Patxi Altuna, jesuita, euskaltzalea, irakaslea eta euskaltzaina (1928-2006) [hilberri txostena] PDF

2010 Ur lasterraren dama [Lourdes Oñederra euskaltzainaren sarrera ekitaldian] PDF

2012 Karmele Esnal Zulaika (1932-2012) : andereño Karmele [hilberri txostena] PDF

2019 Alan Kingen hilberri txostena (1954-2019) PDF

2020 Gramatikaren auzi batzuk PDF

Euskaltzaindiaren buletina

2022 Euskaltzaindia kanpora begira jarri zen..., barrura begiratzeari utzi gabe [sarrera-hitzaldiari erantzuna] PDF

Iker bilduman

1992 -Ko, -dun atzizkiez [elkarlanean] PDF

1994 Oihenart-en lexiko-sorkuntza PDF

1997 Hiztegi batua PDF

2008 Hiztegigintza eta euskararen normalkuntza PDF

2008 Hitz-elkarte sintetikoen argumentuak eta gertaerak PDF

2021 Euskara batuaren nondik norako linguistikoak

Erlea aldizkarian

2012 Nire politikako oroimen-printzak [6. zk.]

Besterik

2023 Euskaltzaindiaren Gramatika batzordearen lana [Hizkuntzalaritza Funtzionalaren 43. Nazioarteko Jardunaldiko aktak]

Batzordeak eta lantaldeak

Sede principal

  • B
  • BIZKAIA
  • Plaza Barria, 15.
    48005 BILBO
  • +34 944 15 81 55
  • info@euskaltzaindia.eus

Centro de Investigación

  • V
  • LUIS VILLASANTE
  • Tolare baserria. Almortza bidea, 6.
    20018 DONOSTIA
  • +34 943 42 80 50
  • donostiaordez@euskaltzaindia.eus

Sedes

  • A
  • ARABA
  • Gaztelako atea, 54
    01007 GASTEIZ
  • +34 945 23 36 48
  • gasteizordez@euskaltzaindia.eus
  • G
  • GIPUZKOA
  • Tolare baserria. Almortza bidea, 6
    20018 DONOSTIA
  • +34 943 42 80 50
  • donostiaordez@euskaltzaindia.eus
  • N
  • NAFARROA
  • Oliveto Kondea, 2, 2. solairua
    31002 IRUÑEA
  • +34 948 22 34 71
  • nafarroaordez@euskaltzaindia.eus

Asociación

  • I
  • IPAR EUSKAL HERRIA
  • Gaztelu Berria. 15, Paul Bert plaza.
    64100 BAIONA
  • +33 (0)559 25 64 26
  • +33 (0)559 59 45 59
  • baionaordez@euskaltzaindia.eus
  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
z-library z-lib project
Casino siteleri arasında yerinizi alın, kazançlı çıkmanın keyfini sürün! Heyecanı kaçırmayın.
© 2015 Your Company. All Rights Reserved. Designed By JoomShaper