Plazaberri

“Euskaltzaindiak beti aldeztuko du Baraiazarra bezalako itzultzaile aparten lana”

  • "Aurrera jarraitu beharra dago, eta, gertaerak gertaera, euskarazko Santa Teresaren idazlan guztiak beti izango dira erreferentzia bikaina gure itzulpengintzan", adierazi du Andres Urrutia euskaltzainburuak, Luis Baraiazarra ohorezko euskaltzainari Kultura Ministerioak Itzulpen Onenaren Sari Nazionala ezeztatu ostean

    101704 Luis Baraiazarra ohorezko euskaltzain izendatu zutenean 2010-02-26

 

Luis Baraiazarra ohorezko euskaltzainak irabazi du 2015eko Itzulpen Onenari ematen zaion Espainiako Sari Nazionala

  • Santa Teresa Jesusenaren idazlan guztiak euskaratu ditu meñakarrak, aurtengo martxoan jendaurrean aurkeztu direnak
  • Akademiak proposatu zuen karmeldarra Sari nazionalerako
  • 1.852 orrialde dituen liburu mardul eta mamitsuak honako lanak jasotzen ditu: 'Bizitza liburua'; 'Perfekzio bidea'; 'Barne gaztelua'; 'Fundazioak'; 'Gutunak' eta 'Arimako kontakizunak'
  • "Nahikoa ezustea izan da niretzat horrelako leku batean saria jasotzea", aitortu dio Plazaberriri Baraiazarrak. "Lau urte eta erdiko lana izan da, eta uste dut Santa Teresaren olerkiak euskaratzerakoan egin dudan ahalegina nabarmendu dutela epaileek. Egia esan, errima eta neurri berdinean itzuli nituen, eta horrek esfortzu ikaragarria eskatu zidan", gaineratu du 2010ean ohorezko euskaltzain izendatua izan zen euskaltzaleak


    luisbaraiazarrajpg foto610x342

 

Euskaltzaindiaren Zuzendaritzak beste lau urtez jarduteko Osoko bilkuraren konfiantza jaso du

  • Gaurko Osoko bilkurak Andres Urrutia berretsi du euskaltzainburu karguan, beste lau urtetarako. Bere ondoan izango dira orain arte Euskaltzaindiko Zuzendaritzako kideak izan direnak, hala nola, Xarles Videgain (buruordea), Xabier Kintana (idazkaria), Sagrario Aleman (diruzaina), Adolfo Arejita (Iker sailburua) eta Jean-Baptiste Coyos (Jagon sailburua)
  • Orain arte indarrean egon den PLan Estrategikoa ebaluatzea eta Plan Estrategiko berria diseinatzea izango da lehen egitekoa. Horrez gain, azken urteotako ildoari eutsiz, Akademiak egiten dituen lan eta ikerkuntza-proiektuak gizarteratzea, elkarte-erakundeen arteko harremanak indartzea eta erabiltzaileen beharrei eraginkortasunez erantzutea izango dira 2017-2020 aldirako lehentasunak
  • Zuzendaritzaren agintaldi berriak Akademiaren mendeurrenarekin bat egingo du. Mendeurrenaren inguruabarrean, Euskaltzaindiak euskararen batasuna indartzeko, hiztun-elkartea berrosatzeko eta euskara indarberritzeko erronkak aztertuko ditu
  • "Akademia modernoa eta hurbila behar du euskarak, eta horiek dira gure etorkizuneko asmoak: erabiltzailearengandik gertu egon, Akademiaren etxeko ateak gizarte guztiari zabaldu eta gure zerbitzu bokazioa areagotu, zorrotz jokatuz", esan du euskaltzainburuak

    IMG 0512


    IMG 0537


    (Goiko argazkian, gaurko Osoko bilkura; azpian, Andres Urrutia, Arango Okzitanierako Akademiako kideei harrera egiten, Osoko bilkuran parte hartu baino lehen)

 

2016ko R. Mª Azkue Literatura Sarien deialdia egin du Euskaltzaindiak

  • Bi genero saritzen dira, poesia eta narrazioa, eta 10 eta 17 urte bitarteko gaztetxoei zuzenduriko deialdia da
  • Lanak aurkezteko epea 2016ko abenduaren 23an amaituko da, eta erabakiak 2017ko martxoaren 15a baino lehen iragarriko ditu Akademiak

    20160919100716296 0001

    (Iazko lanik onenak liburu honetan argitaratu ditu Euskaltzaindiak)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

Argitalpen guztiak ikusi