Plazaberri

Euskaltzaindiak erakusketa birtual bat estreinatu du Azkue Bibliotekako ondarea agerian jartzeko eta ezagutarazteko

  • Oraingoz, sei libururen ezaugarri eta bitxikeriak izango dira lehen eskaintza.
  • https://azkuebiblioteka.euskaltzaindia.eus helbidean dago ikusgai erakusketa birtuala, berariaz diseinatu den banner batean.
  • Azkue Bibliotekaren funtsak Euskal Herriari buruzkoak dira, zentzu zabalean, haren bihotza beti euskara dela. Bilboko egoitza nagusian dago Azkue Biblioteka, eta astelehenetik ostiralera egoten da zabalik, 09:00etatik 14:00ak arte.

    testamentu berria kgOF U40252193119z5F 575x323El Correo
    (Azkue Bibliotekako altxorretako bat: Joanes Leizarragaren 'Iesus Christ gure Iaunaren Testamentu Berria')

 

Manex Pagola, euskaltzale "leiala eta langilea"

  • Atzo zendu zen Manex Pagola (1941-2018) euskal kantugintzaren sustatzaile nagusietako bat eta oraintsutik ohorezko euskaltzaina. Astelehenean ehortziko dute baxenabartarra, Urketan (Lapurdi), 15:30ean. Dena den, bihar, etzi eta astelehen goizez zabalik egonen da Ahurtiko beilatokia.

    34663519 10216639507445908 7154376158820171776 n
    (Manex Pagola -argazkiaren eskuin aldean-, 'Zazpiribai' ikuskizuna egin zuteneko irudi batean)

 

Lluís de Yzaguirre ikertzaile eta hizkuntzalari katalanak mintegi bikoitza eskaini du Euskaltzaindian

  • Bi egunez, Euskaltzaindiko Ahoskera batzordeko kideekin bildu da Yzaguirre. Beste gauza askoren artean, ahozko corpusak euskarri digitaletan nola landu erakusten ibili da.
  • Lluís de Yzaguirre i Maura Bartzelonako Pompeu Fabra Unibertsitateko irakaslea da, eta bertako Hizkuntza Teknologien Laborategiko zuzendaria, besteak beste.

    DSC03366

 

Bilbo, kresaletan

  • Bilbo Zaharra euskaltegiak hamaikagarrenez antolatu du Klasikoen Irakurraldi Jarraitua, Arriaga Antzokian. Aurten, Txomin Agirre idazle eta euskaltzain ondarroarraren Kresala hautatu dute. Keinu honekin, Euskaltzaindia omendu nahi izan dute, bere mendeurrenaren atarian.
  • Antolatzaileen ustez, eleberri hau aukeratzeko arrazoiak hurrengoak dira: “Klasikoa delako, bizkaieraz dagoelako, eleberri kostunbristaren ezaugarriak dituelako, erlijiotasun transzendente bat garatzen duelako, naturaz gaindiko indarren apologia egiten duelako eta irakurtzeko irrika sortzen duelako”, besteak beste. Kresalak hizkuntza aberats eta adierazgarria erabiltzen du, elkarrizketa biziak ditu eta bertan pertsonaiak euskaldun on eta txarraren prototipoak aurkitzen ditugu. Beraz, ez da aitzakia handirik behar ondarroarraren eleberria irakurri edo berrirakurtzeko.
  • Hona hemen Kresala-ren hasiera: "Ipargoiko aizea, geiagoko barik, bat batera ta guztizko aserre amorratuan sartu zan Arranondoko erritxoan. Bakean da geldirik egozan kale bazterretako paper, zotz, zakar, lasto, buruko ule ta maluta galdu guztiak, arrastaka ta bira-biraka ibilli ta gero, egazti biurtu gura baillirean, jaso ebazan aize orrek etxien buruak baño askozaz gorago".
  • Goizeko 08:00etan, Kirmen Uribek inauguratu du Irakurraldia, eta bere atzetik joan dira, erreskan, Bingen Zupiria Kultura sailburua eta Andres Urrutia euskaltzainburua. Euskaltzaindiko ordezkaritza Adolfo Arejitak, Xabier Kintanak eta Erramun Osak osatu dute.

    2
  • Aurreko urteetan, Axularren Gero, Mogelen Peru Abarca, Jon Miranderen Haur besoetakoa, Saizarbitoriaren Hamaika pauso, Arantxa Urretabizkaiaren Zergatik panpox, Bernardo Atxagaren Obabakoak, Gabriel Arestiren Harri eta herri, Joseba Sarrionandiaren Narrazioa Guztiak, Franz Kafkaren Metamorfosia eta iaz Itxaro Bordaren %100 Basque irakurri izan dira.

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi