Plazaberri

Hiazinto Fernandorena, Marie Jeanne Minaberry, Piarres Charritton eta Luis Mari Mujika omenduko ditu Euskaltzaindiak ostiraleko Ageriko bilkuran

  • Euren omenezko hilberri-txostenak irakurriko dira, bihar, Gipuzkoako Foru Aldundian (Iargi Aretoan), 12:00etatik aurrera.

    2000 Donostian
    (Piarres Charritton euskaltzain osoa)

 

Espainiako eta Frantziako Itzulietako antolatzaile eta sustatzaileei euskarari dagokion tokia emateko eskatu die Euskaltzaindiak

  • Halaber, eta Vuelta a España-k Bizkaiko lurraldearen eremu zabal bat zeharkatuko duenez, Akademiak gutunak bidali dizkie Bizkaiko Foru Aldundiko ahaldun nagusiari, Ekonomi eta Lurralde Garapena Sustatzeko diputatuari eta Bizkaiko Euskara eta Kultura Foru diputatuari.
  • Bestetik, aurten Barakaldoko Bilbao Exhibition Center-en antolatuko den MTV Europe Music Awards eta Bilbon jokatuko diren Europako errugbiko Challenge eta Champions txapelketako finalak direla eta, eskaera bera luzatu die Bilboko, Barakaldoko eta Getxoko alkateei.
  • Euskaltzaindiak arduradun horiei guztiei gogorarazi die toki "duina eta aproposa" izan behar duela gure hizkuntzak aurten antolatuko diren ekitaldietan, "gutxienez, gainerako hizkuntzen parekoa" izan behar duena.
  • Euskaltzaindia euskal hizkuntzaz arduratzen den erakunde aholku emaile ofiziala da, Errege Akademia denez gero (1976), eta, Frantziako Errepublikan, Onura publikoko erakunde aitortua da (1995), eta bere egitekoen artean dago herritarren hizkuntza-eskubideak zaintzea. Hortaz, euskal hiztunen eskubideak arretaz zaintzeko eskatu die Ipar zein Hego Euskal Herriko ordezkari publiko eta sustatzaile pribatuei, ekitaldiotan "euskarari zor zaion tokia emanez".
  • Euskararen Akademiak baikortasunez hartu ditu halako ekitaldiak, euskal ekonomian eragina izan ez ezik, Euskal Herria eta gure hizkuntza eta kultur ondarea nazioartean ezagutzera emateko aukera paregabea dela iruditzen zaiolako.
    Tour de Francia 2017 Oficial 1

 

Kresala darie Bilbo Zaharra jardunaldiei

  • Bilbo Zaharra euskaltegiak antolatutako hitzaldiak otsailaren 5ean, 6an eta 7an gauzatuko dira, Euskaltzaindiaren egoitza nagusian (Plaza Barria, 15- Bilbo), iluntzeko 19:00etatik aurrera.
  • Txomin Agirre idazle eta euskaltzainaren 'Kresala' eleberria hartuko dute hizpide hiru hitzaldietan. Bernardo Atxaga, Belen Altuna, Miren Agur Meabe, Leire Bilbao, Ana Urkiza eta Beñat Sarasola arituko dira ondarroarraren lanaren ezaugarri guztiak aztertzen.

    Kresala 2 1

 

Euskaltzaindiak harremanak gauzatuko ditu Espainiako Justizia Ministerioarekin, euskal izendegiarentzat bestelako bideak asmatzeko

  • Euskaltzaindiak eskatuko dio Espainiako Ministerioari malguago joka dezan euskal izendegiarekin.
  • Dena den, gogoratu behar da Euskaltzaindiak, erakunde aholku emaile ofiziala denez, legeriaren arabera jokatu behar duela izendegiari dagokionez, Erregistro Zibilarekiko ahalmenak Akademiatik kanpo baitaude.

    83362772

 

Plazaberrin harpidetu:

Sare sozialetan:

Twitter

 

Gure agendan harpidetu: