Plazaberri

Euskaltzaindiaren webguneak 73.903 bisita izan ditu apirilean

  • Apirilean 73.903 bisita izan ditu Euskaltzaindiaren webguneak (www.euskaltzaindia.eus), guztira, 331.197 bistaratze.

  • Ohikoa den legez, apirilean gehien bisitatutako edukiak Euskaltzaindiaren Hiztegia (121.637 bistaratze) eta EODA (Euskal Onomastikaren Datutegia: 77.561 bistaratze) izan dira.

  • Webguneko atarira eginiko zuzeneko sarbideak 9.225 izan dira, eta webguneko gainontzeko atalei dagokienez, OEH-k (Orotariko Euskal Hiztegia) 52.067 bistaratze izan ditu, Euskaltzaindiaren Arauek 4.393, Jagonet zerbitzuak 4.482, Argitalpenen katalogoak 1.585, eta Plazaberri blogak 1.653.

 

Andres Urrutia: “Euskaltzaindiak ezin dio muzin egin bere erantzukizun sozialari, eta LGBT kolektiboa are ikusgarriago egiteko ekarpena egin nahi du”

  • Hiru urterako egin den lankidetza hitzarmen bat sinatu dute Ortzadar LGBT elkarteak eta Euskaltzaindiak, gaur.
  • Aurrerantzean, Ortzadar LGBT elkarteak Euskaltzaindiari aholkularitza eskainiko dio herritarren berdintasuna, bizikidetza, sexu-askatasuna eta giza eskubideak Euskaltzaindiaren Hiztegian zein bestelako hizkuntza baliabideetan are hobeto islatuta ager daitezen.
  • Errealitate hauek guztiak ondo gogoan ditu Akademiak, eta horiek kontuan hartuz, erabaki garrantzitsuak hartu ditu azkenaldian. Besteak beste, familia-harremanetako gaurko errealitatera moldatu ditu Hiztegiko hainbat definizio; dinastia-kontuetan ere egin dira aldaketak; Espainiako Justizia Ministerioari euskal izendegiarekin malguago jokatzeko eskatu zitzaion eta abar.
  • Javier García, Ortzadar LGBT elkarteko presidentea: “Gure elkarteak garrantzia eman nahi die euskaraz egindako ikerketei, eta horretarako Euskaltzaindiarekin bat egitea ezinbestekoa zen guretzat”.
  • Axier Garate, Ortzadar LGBT elkarteko bozeramailea: “Ostegun honetan homofobiaren aurkako eguna ospatzen dugu, eta hitzarmen hau baliatu nahiko genuke gure gizarteak aniztasun afektiboaren aldeko apustu garbia egin duela erakusteko”.
  • Andres Urrutia: “Euskara gaitu eta erabilera berrietara moldatu eta egokitzeko agindua dauka Akademiak, eta horretara dator, neurri batean, hitzarmen garrantzitsu hau. Euskaltzaindiak ezin dio muzin egin bere erantzukizun sozialari, eta LGBT kolektiboa (Lesbiana, gay,  bisexual eta transexualen kolektiboa) are ikusgarriago egiteko ekarpena egin nahi du”.

    Andres Urrutia eta Xarles Videgain Ortzadar LGBT elkarteko kideekin
    (Roberto Palacios, Aratz Castro, Andres Urrutia, Javier García, Xarles Videgain eta Axier Garate)

 

Hamasei ohorezko euskaltzain berri izendatu ditu Euskaltzaindiak

  • Guztira, bost emakumezko eta hamaika gizonezko izendatu dira: bost bizkaitar, sei gipuzkoar, bi lapurtar eta baxenabartar, arabar eta nafar bana.
  • Ohorezko euskaltzain berrien zerrenda: Jose Antonio Aduriz, Martxel Andrinua, Txaro Arteaga, Maria Jose Azurmendi, Miren Jone Azurza, Henri Duhau, Izaskun Gastesi, Abel Muniategi, Manex Pagola, Jose Maria Rementeria, Sabin Salaberri, Txomin Solabarrieta, Julen Urkiza, Arantxa Urretabizkaia, Pello Zabala eta Auxtin Zamora.

    2011 6 6 Gorka Aulestiaren liburuaren aurkezpena 063
    e94a8ac0 ec15 48d8 872b 7a35fe686cf3
    Sabin 10

    (Txomin Solabarrieta; Txaro Arteaga; Sabin Salaberri)

 

Ezkerraberri Fundazioak eta Euskaltzaindiak euskararen erabilera informala aztertzeko jardunaldi bat antolatu dute, Donostian

  • Ekainaren 1ean izango da, Euskaltzaindiaren Luis Villasante Euskararen Ikergunean (Tolare baserria), goiz osoz (09:15 – 14:30).
  • Parte-hartzaileak: Mikel Zalbide, Inma Muñoa, Orreaga Ibarra, Asisko Urmeneta, Adolfo Arejita, Joxerra Gartzia eta Xabier Euzkitze.
  • Iñaki Irazabalbeitia (Ezkerraberri Fundazioko zuzendaria eta euskaltzain urgazlea): “Gizartean pil-pilean dagoen gaia da euskararen erabilerarena, eta sarri sortzen dira kalapita eta nahasteak. Jardunaldi honen helburua da horretaz mintzatzea. Euskara informalaren inguruan gogoeta egitea –euskalkiaren papera zein den, ahozko euskarak eta argotak nolakoa behar duen izan, gazte hizkerak…-“.
  • Miriam Urkia (euskaltzain osoa eta Akademiaren Gipuzkoako ordezkaria): “Euskaltzaindiak gizarte eragileekin harreman estua dauka eta horren erakusgarri da jardunaldi berri hau”.
  • Ekainaren 1eko jardunaldia (izen-ematea): 943 428050/ 94 4158155 (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.). 

    Ezkerraberri Fundazioa: 948 20 63 62 / 948 20 60 03

     

     

    DSC00890

    (Sagrario Aleman eta Miriam Urkia euskaltzain osoak, Iñaki Irazabalbeitia Ezkerraberri Fundazioko zuzendariarekin, gaur, Donostiako Luis Villasante Ikergunean)

 

Plazaberrin harpidetu:

Sare sozialetan:

Twitter

 

Agenda

Ez dago gertakaririk egun honetan

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi