Plazaberri

Materraren 'Do(c)trina Christiana', 'Euskal Elkargoaren sortzea' eta 'Erlea-11', Bilboko 48. Liburu Azokan

  • Urtero legez, udaberriko Liburu Azoka hartuko du Bilboko erdiguneak, bihartik hasi eta ekainaren 10era bitartean. Guztira, 55 erakuslek eman dute izena, eta 48. ahalegin honetan ere Euskaltzaindiak bere erakusleiho propioa izanen du, 31.a.
  • Hona hemen bihartik aurrera irakurleek Areetako plazan aurkituko dituzten lanen zerrenda labur bat:
    - 'Esteve Materraren Do(c)trina Christiana. 1617 & 1623'.
    - 'Sociedad y Lengua vasca en los siglos XVII y XVIII'.
    - 'Euskal Elkargoaren sortzea eta euskararen geroa'.
    - 'Erlea-11'.
    - 'Piarres Larzabalen antzerkigintza: 1950-1982'.
    - 'Euskal literaturaren antologia. Testuak eta argibideak'.
    - 'Toponimia de Vitoria VI - Gasteizko Toponimia VI. Arratzua II'.

    00001

 

Ekainaren 7an Txomin Agirreren 'Kresala' irakurriko da Arriaga Antzokian

  • Bilbo Zaharra euskaltegikoek Klasikoen irakurketa jarraitua antolatu dute hamaikagarrenez, eta ekitaldian ondarroarraren liburu ospetsuari egingo diote gorazarre. 
  • Ekainaren 7ko irakurketak hamabi orduko iraupena izango du, eta 400 pertsona inguru arituko dira Kresala irakurtzen.
  • Aurretik, ohiko solasaldi eta hitzaldiak izango dira, Euskaltzaindiaren Bilboko egoitzan: Itxaro Borda (ekainak 4); Koldo Izagirre eta Harkaitz Cano (ekainak 5); Kirmen Uribe (ekainak 6). Guzti-guztiak, iluntzeko 19:00etan.

    itxaro borda
    (Itxaro Bordak 'Atzoko eta gaurko kresalak' hitzaldia eskainiko du ekainaren 4an)

 

Giza gorputzari eta norbere buruaren apainketari lotutako lexikoa landu da Atlasaren IX. liburukian

  • 262 mapaz osaturiko liburuki berri honetan, besteak beste, giza gorputzarekin, janzkerarekin, norberaren buruaren apainketarekin, sexualitatearekin eta haurtzaroarekinzerikusia duten zernahi hitz eta esamolde jaso dira.
  • 'Euskararen Herri Hizkeren Atlasak' (EHHA) ahozko euskararen aldaerak mapetan jasotzea du xede, eta argitaraturiko liburuki guztiak (mementoz, bederatzi) kontsulta daitezke Euskaltzaindiaren web orrian (www.euskaltzaindia.eus/ehha), 5. eta 6. liburukiko audioekin batera.
  • Adolfo Arejita EHHA proiektuaren zuzendaria: “Tradizioz transmititu den herri-hizkeraren lekuko da Atlasa. Ahozko hizkuntzaren ispilu objektiboa izatea du helburu. Batetik, euskaraz bizi izan den gizartearen -edo gizarteen- bizimodua erakusten digute; bestetik, literatura landuaren eta hizkera aratuaren aurrean, kontrako ispilu modura jokatzen du Atlasak”.
  • Andres Urrutia (euskaltzainburua): “Berriro ere Euskaltzaindiak euskalgintzaren eta gizartearen eskuetan jartzen du bere lana, uste baitu hori dela bere egitekoa”.
  • Julio Gallastegi Laboral Kutxako zuzendari nagusia: “Liburuki honen prestakuntzan goi-mailako ikerketa garatu dute Euskaltzaindiko ikerlariek. Gure hiztegiak dituen aniztasun eta ñabardurak metatuz eta aztertuz gero, bilduma honetan azaltzen dira ondare moduan, eta horrek duen balioa ezinbestekoa da”.

    DSC01367
    (Atlasaren mapa erraldoi bat erakutsi dute gaur euskaltzainek eta Laboral Kutxako arduradunek)

 

Euskarazko toki-izenak zuzen ager daitezen, lankidetza eskaini die Euskaltzaindiak Itzuliko arduradunei

  • Jakina denez, apirilaren 2tik 7ra egin da Euskal Herriko Itzulia, aurten 'Basque Country Itzulia 2018' izenarekin. Itzuliaren webgunean ibilbide-liburua arakatu du Euskaltzaindiak eta liburu horren azaleko azterketatik ondoriozta daiteke etapetako toki-izenak, salbuespenak salbuespen, zuzen idatzita daudela.
  • Zoritxarrez, ez da berdina gertatu bideetan jarritako seinale eta oharrekin. Gauzak horrela, eta 2019an halakoak gerta ez daitezen, Euskaltzaindiak lankidetzan aritzeko aukera eskaini die antolatzaileei, euskarari dagokionean erakunde aholku emaile ofiziala denez.

    Pantaila argazkia

 

Plazaberrin harpidetu:

Sare sozialetan:

Twitter

 

Agenda

Ez dago gertakaririk egun honetan

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi