Plazaberri

Euskararen normalizazioari buruzko proiektuak gauzatuko dituzte Eusko Legebiltzarrak eta Euskaltzaindiak

  • Bi erakundeek lankidetza-hitzarmena berritu dute, gaur, Legebiltzarreko Tomas Moro aretoan.
  • Lankidetza hau euskararen lurralde guztietako erakundeekin eta eragileekin partekatu nahi dute, betiere bakoitzak dituen prozedura-arauak errespetatuz.
  • Hitzarmen honen indarraldian, euskaraz sorturiko testu juridikoen erakusketa ibiltaria antolatzeko borondatea dute bi erakundeek.
  • Izaera lexikografikoa duen hiztegi juridikoa ere ondu nahi da.

    FullSizeRender 2
    (Bakartxo Tejeriak eta Andres Urrutiak Tomas Moro aretoan sinatu dute akordio berria)

  • Andres Urrutia (euskaltzainburua): “Urte batzuen ondoren, berriro ere datoz Eusko Legebiltzarra eta Euskaltzaindia euren arteko harremanak berrestera eta aurreratzera. Harreman horietan, alabaina, helburu zehatzak garatu nahi ditugu bi erakundeok, gerora gizarteari berari eskaintzeko modukoak direnak”.
  • Bakartxo Tejeria (Eusko Legebiltzarreko lehendakaria): “Lan guzti hauek helburu bakarra dute: euskaldunei, euskal herritarrei eta herri honen erakundeei zerbitzu ematea”.

 

Xalbadorren egun arrakastatsua

  • 2017ko urriaren 21 eta 22rako zegoen eguna jarrita eta, eguraldia eguraldi, larunbat eta igandez egin da aurten Xalbadorren Eguna, Jon Azpillaga bertsolari handia goratuz eta omenduz aldi berean. Eta urteroko lagunak bildu gara Urepeleko egun umeletan...

    DSC 6459
    (Azpillagatarrak, Urepelen -argazkia: Joxemari Iriondo-).

 

Fèlix Sardà i Salvany apaizaren 'El liberalismo es pecado' liburua oparitu dio Natxo de Felipek Euskaltzaindiari

  • Musikariak eskuzabalki Euskaltzaindiari oparitu dion alea (hain zuzen, 1891ekoa) Bermeoko frantziskotarren komentuan egondakoa da.
  • Euskal Herrian dozena erditik gora ale daude gaur egun: Arantzazuko santutegian, Lazkaoko monasterioan, Loiolako santutegian, Gasteizko seminarioan, Nafarroako Liburutegian, Nafarroako Unibertsitatean edo Antso Jakituna Fundazioan.
  • Aurrerantzean, Euskaltzaindiaren Azkue Biblioteka eta Artxiboan ere egongo da, ikertzaile guztien eskura.

    3
    (Natxo de Felipe, Fèlix Sardà i Salvany-ren liburuari buruzko argibideak ematen, gaur, Euskaltzaindian)

 

Azpillaga omenduko dute Xalbadorren Egunean

  • Urtero legez eta 2004tik, Xalbadorren Eguna ospatzen da Urepelen (Nafarroa Beherea). Bertsolari, ohorezko euskaltzain eta artzainaren jarduna eta bizitza gogoratzeko antolatzen du Deiadarra taldeak egitasmoa. Honela azaltzen dute beraiek: "Gure nortasuna eta Xalbadorrek utzi zaukun mezua bizirik atxikitzea nahi dugu Euskal Herri osoan". Izan ere, elkartea bera Xalbadorren 'Ama Euskal Herria' bertsoen eraginez sortu zen.
  • Xalbador gogoratzean gain, berarekin harremana edo zerikusia izan zuten bertsolariak ere omentzen dituzte Urepeleko jaialdi ederrean. Aurtengo aldian, Jon Azpillaga aukeratu dute, "bertsolaritzaren eta euskal kulturaren alde" eginiko lanagatik.

    3 Azpillaga. Mutriku 2012ko maiatza Arg. JMIriondo
    (Jon Azpillaga bertsolaria otsailean zendu zen)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Sierra de Tolono portada

    Sierra de Toloño, nexo de la Montaña y la Rioja Alavesa

    Egilea: José Ángel Chasco Oyón

  • Piarres Larzabalen antzerkigintza: 1950-1982. Euskarazko antzerki identitarioaren paradigmak

    Egilea: Isabelle Echeverria

  • Amiküze eskualdeko eskuara

    Egilea: Iñaki Camino

  • Euskararen Herri Hizkeren Atlasa, VIII

    Egilea: Euskaltzaindia. Dialektologia batzordea. Atlasgintza lantaldea

  • Argitalpen guztiak ikusi