Plazaberri

Sestaoko toponimia, agerian

  • Jorge Luis Tejedor ikerlariak Sestao herri zahar berriaren bilakaera historikoaren ezagutzarako ekarpen preziatua egiten du lan zorrotz eta mamitsu honetan.
  • Bihar aurkeztuko da liburua, 11:00etatik aurrera, Sestaoko Udal Liburutegian.
  • Egileak udalerriko toponimoak (auzoak, ibaiak, lekuak, elizak, etxeak, baserriak, moilak eta abar) aurkezten dizkigu lan interesgarri honetan. Erregistro bakoitzaren azterketak testuinguru historikoa eta metalinguistikoa gorpuzten ditu eta, horrenbestez, ezagumen bide anitz libratzen ditu, nahi beste proiekzio ahalbidetuz.
  • Gainera, herriaren bilakaera historikoaren ezagutzarako oso ekarpen preziatua egiten du, etimologia zientziaren eremutik ikusita. Ezin ahaztu baita, onomastika lana den aldetik, herrialde honetako izen propioen katalogoa izatearen balioa bera, bai filologikoa, bai historikoa.

    Tejedor
     

 

Harrera ona izan dute Euskaltzaindiaren Hiztegia ondo erabiltzeko antolatu diren saio praktikoek

  • EIZIEko bazkideentzat antolatu dira saio hauek, eta urtarrilaren 24an eta 25ean egingo dira, Donostian eta Bilbon. 17:00etan hasi eta 19:00etara arte luzatuko dira.
  • Egitasmoan 52 lagunek parte hartuko dute.
  • Helburua? Euskaltzaindiaren Hiztegi berriaren bertsio digitala ondo erabiltzeko eta bilaketak ahalik eta modu eraginkorrenean egiteko gako batzuk eskaintzea.
  • Hiztegiaren arduradun eta koordinatzaile diren Andoni Sagarna eta Miriam Urkia arituko dira zeregin horretan.


 

"Euskarak behar ditu hizkuntza politika adostua eta halakoa egiteko foroak"

  • Bere laugarren agintaldia hasi berri, Andres Urrutia euskaltzainburuak orain arte egindakoak errepasatu eta etorkizuneko erronkak seinalatzen ditu elkarrizketa zabal eta mamitsu honetan. Besteak beste, euskara estandarraren etorkizunari buruz hitz egin du: "Batua berriz asmatu baino, egokitu eta aitzina eraman behar da, premia berriak batuaren bidez adierazi ahal izateko”.
  • Autokritika ere egin du euskaltzainburuak, aitortuz badagoela zer hobetu eta zertaz arduratu: "Onartu beharra dago oraindik arazoak ditugula egiten ditugun egitasmoak edo hartzen ditugun erabakiak behar den bezalaxe gizarteratzeko".
  • “Euskalkietatik batua aberasteko katea berriz asmatu behar da. Baldin eta batua bizia nahi badugu”.
  • “Euskaltzaindia beharrezkoa izango da bere zereginak betetzen dituen neurrian, gizartearen premiei euskara eta euskal kulturaren alorrean erantzuten dien neurrian”.
  • “Kritikatzen gaituztela? Bizirik gaudelako seinale”.
  • “Euskaltzaindiak iraganean, orainean eta etorkizunean jarri behar du begia, halabeharrez, baina esfortzu berezia egiten ari gara teknologia berriak ezarri, zerbitzua eman eta gure lana gizarteratzeko".
  • “Euskaltzaindia ez da erakunde hertsia. Nekez aurkituko duzu Akademia hau baino erakunde zabal eta gardenagorik: gure aktak eta urteko egintza guztiak edonoren eskura daude, gure webgunean zein sare sozialetan eskegita”.

    Andres Urrutia, euskaltzainburua
    (Andres Urrutia, Euskaltzaindiaren batzar-gelan)

 

Euskaltzaindiak EH-Bilduko ordezkariak hartu ditu

  • Akademiak Bilbon duen egoitza nagusira hurbildu dira, goizez, Rebeka Ubera, Jasone Agirre eta Iñaki Irazabalbeitia Eusko Legebiltzarreko EH-Bilduko ordezkariak. Euskaltzaindiak alderdi desberdinekin dauzkan harremanen inguruabarrean egin da bilkura hau.
  • EH-Bilduko Legebiltzar taldeak legealdi honetarako ezarri dituen lan-ildoak aurkeztu dizkie Euskaltzaindiko Zuzendaritza osatzen duten Andres Urrutia, Adolfo Arejita, Sagrario Aleman, Xabier Kintana eta Erramun Osari.
  • Besteak beste, Hezkuntzaz eta Hizkuntza politikaz jardun dute, ordu bete iraun duen bileran, eta aurrerantzean ere harreman bide honetan sakontzeko asmoa agertu dute batzuk zein bestetzuk.

    EH-Bilduko parlamentariak, Akademiako Zuzendaritzarekin
    (EH-Bilduko parlamentariak, Akademiaren egoitza bisitatzen)

    EH-Bilduko ordezkariak, Akademiaren Zuzendaritzako kide batzuekin
    (EH-Bilduko ordezkariak, Akademiaren Zuzendaritzako kideekin, goizeko bilera hasi aurretik)

 

Plazaberrin harpidetu:

Sare sozialetan:

Twitter

 

Agenda

Ez dago gertakaririk egun honetan

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi