Plazaberri

"Mongongo Dassanza: albaitaritzako idazlanak" webgunean jarri du Euskaltzaindiak

sara peillen txikia

Mongongo Dassanza. Albaitaritza idazlanak (1692-1892) liburua Euskaltzaindiaren webgunean kontsultagai dago, hemen. Liburuaren paratzailea Txomin Peillen da. Euskaltzaindiaren "Euskaltzainak" bildumaren barruan argitaratu zen, Euskararen Erakunde Publikoaren laguntzarekin.

 

Euskaltzaindiaren webguneak 77.284 bisita izan zituen maiatzean

est maiatza txikia
Euskaltzaindiaren webguneak 77.284 bisita izan zituen maiatzean. Webguneko orriak 286.319 aldiz bistaratu ziren hil berean.

 

Andres Urrutiak Bilboko Liburu Azokaren Urrezko Luma jaso du

urrezkoluma aurrutia txikia

Andres Urrutia notario, Zuzenbide irakasle eta euskaltzainburuak Bilboko Liburu Azokaren Urrezko Luma jaso du gaur, ekainaren 7an, Areatzan egindako ekitaldian. Ana de Castro Bizkaiko Foru Aldundiko Euskara zuzendariak eman dio saria; ondoren, honela esan du: "Euskara zabaltzeagatik lehen gure hizkuntza arrotza zen arlo batean, Zuzenbide arloan. Batez ere, horregatik ematen diogu Urrezko Luma".

 

Kafkaren Metamorfosiaz gogoeta egiteko astea

kafka kartelatxikia

Bilbo Zaharra euskaltegiak Franz Kafkaren Metamorfosia liburuari eskainiko dio Klasikoen 9. irakurketa jarraitua. Ekainaren 9an egingo da, Bilboko Arriaga Antzokian. Ekitaldi sorta antolatu dute aurreko egunetan, astelehenetik asteazkenera: batetik, Bernardo Atxagaren eta Jordi Lloveten eta Naroa Zubillagaren hitzaldiak izango dira, eta bestetik, Uxue Alberdi eta Andoni Egaña bertsolariek eta Pedro Alberdi idazleak "Kafkaren aulkia" emankizuna eskainiko dute.

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

Argitalpen guztiak ikusi