Plazaberri

'Euskal Harria' poema liburuaren 50. urteurrena aitzakiatzat hartuta, Gabriel Arestiren ibilbidea gogoratuko da Bilbon

  • Urriaren 11n izango da jardunaldia, eta bertan parte hartuko dute, besteak beste, Oskorri taldeak, Bernardo Atxagak, Arantxa Urretabizkaiak, Xabier Kintanak eta Jon Kortazarrek.
  • Jardunaldi berean Agustin Ibarrola artista omenduko da. Ibarrolak bere irudiak eskaini zizkion Gabriel Arestiri 1967an, hain zuzen, 'Euskal Harria'ren lehen ediziorako erabili zirenak.

    Aresti
    (Antolatzaileak eta sortzaileak, batera, gaurko aurkezpenean).

  • Bilboko Udalarekin eta Gabriel Aresti Elkartearekin batera antolatu du Euskaltzaindiak 'Gabriel Arestiren Euskal Harriak 50 urte' egitasmoa.
  • “Arestiren lana berreskuratzen ari gara aspalditik. Horregatik, iaz 'Mailu batekin: Biola batekin' liburua publikatu genuen, idazlearen poema ezezagunekin, eta orain dela hiru urte 'Harri eta Herri'ren edizio berri bat plazaratu genuen, liburuaren 50. urtemugan”, esan du Koldo Narbaiza Bilboko Euskera eta Hezkuntza Saileko zinegotzi ordezkariak.
  • “Aresti euskarazko kulturaren zutabe da, eta Bilbon gogoratu behar dugu hori. Ozen esan behar dugu, baita, euskal kultura bizirik dagoela Bilboko kaleetan, bizirik zegoen moduan, erdi ezkutuan izan arren, orain dela 50 urte, euskara batuaren bezperan, Arestik berak 'Euskal Harria' liburua argitaratu zuenean”, gogoratu du Andres Urrutia euskaltzainburuak.

 

Beristain "euskal idazle fina eta esatari aparta" izan dela nabarmendu du Andres Urrutiak

  • 70 urte zituela zendu da Iñaki Beristain errezildarra, eta Andres Urrutia euskaltzainburuak gogoratu du Beristainek euskararen inguruko edozenbat proiektutan parte hartu zuela, eta esan du "euskal idazle fina eta esatari aparta" ere izan zela frantziskotarra. "Gozagarri osoa, ezbairik gabe, haren ezpainetatik fedearen mintzoa aditzea", azpimarratu du Urrutiak.
  • Bere aldeko hileta elizkizuna bihar izango da, irailak 26 dituela, Arantzazuko santutegian, 17:00etan.

    bin 21656225 con 11534241 19422 1
    (Iñaki Beristain)
  • Errezilen (Gipuzkoa) jaio zen Iñaki Beristain, 1947an. Hogei urterekin apaiztu eta Arantzazun egon da 1967tik, santutegiko bozeramaile aritu dela urte luzez. Besteak beste, Arantzazu aldizkariaren zuzendari ere izan da, eta EiTBko Egi bidean saioaren arduraduna, 1988tik.

  • Gaztetatik hasi zen euskarazko sorkuntzan. Erriberrin (Nafarroa) zela, Gure izarra aldizkarian aritu zen, eta ondoren Jakin aldizkarian ere jardun zuen. Duela urtebete argitaratu zuen bere azken liburua: Nikolas Segurola. Fraide, artzain eta bertsolari, Xabier Euzkitzerekin eta Eduardo Urarterekin batera. 1968an euskara batuari buruzko biltzarra egin zenean ere, hantxe izan zen Beristain, bere bihotzeko Arantzazun.

 

Patxi Salaberri euskaltzain osoa, Uxueko Historia eta Ondarea ikastaroan

  • Larunbat honetan, Uxueko (Nafarroa) Paxape karrikako erakusketa aretoak egitasmo interesgarria hartuko du, goizeko 11:00etan hasi eta arratsalde erdiraino luzatuko dena: Uxueko Historia eta Ondarea ikastaroa.
  • Nafarroako Unibertsitate Publikoak antolatu du ikastaroa, eta bertan Uxueko historiaren nondik norakoak aztertuko dira: hizkuntza, kaleen izenak, bertako istorio eta pasadizoak...
  • Guztira, ikastaroak sei hitzaldi hartuko ditu, eta horietako bat Patxi Salaberri euskaltzain osoak eskainiko du. Salaberrik Uxue eta bere ingurunean euskarak bizi izan duen eta bizi duen egoera aztertuko ditu.

    119684 100000b
    (Patxi Salaberri)

 

Euskaltzaindiak sei Bertsolari Txapelketa Nagusi antolatu zituen 1960tik 1982ra bitartean

  • Larunbat honetan hasiko den Txapelketa Nagusiak gorabehera ugari izan ditu bere ibilbidean zehar. Hasiera-hasieratik babestu du egitasmoa Euskaltzaindiak, eta 1960tik 1982ra sei Bertsolari Txapelketa Nagusi antolatu zituen.
  • Gaur egun, Santxotenak egindako eskultura -'Bertsolari'- oparitzen dio Euskaltzaindiak txapeldunari.

    izenikez 38
    (Xalbador eta Uztapide)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi